Një 57 vjeçar ka mbetur i vdekur dhe një tjetër i plagosur rëndë në fshatin Zllakuqn të Lipjanit.

Zëdhënësja e Policisë së Kosovës për rajonin e Prishtinës, Flora Ahmeti për Arbresh.info, ka bërë të ditur se si pasojë e një mosmarrëveshje, dy persona janë plagosur rëndë nga therja me thikë dhe si pasojë e plagëve, njëri ka vdekur, ndërsa tjetri është dërguar për tretman mjekësor.

Rasti ka ndodhur sot rreth orës 13:00.

“Rreth orës 13:00, policia ka marrë informatën për një vrasje që ka ndodhë në fshatin Zllakuqan të Lipjanit. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në informacionet e para janë ngritur dyshimet se një mosmarrëveshje mes disa personave ka rezultuar me plagosjen e rëndë të dy personave, dyshohet me mjet të mprehtë thikë”, thotë Ahmeti.

Sipas saj, njëri nga personat e lënduar ka vdekur, ndërsa i lënduari tjetër është dërguar për tretman mjekësor.

Vdekjen e viktimës mashkull, rreth 57 vjeç, e ka konstatuar ekipi mjekësor në QKMF në Magure.

Aktualisht, sipas Ahmetit, hetuesit policor në koordinim me prokurorinë, po ndërmarrin veprimet hetimore për ndriçimin e plotë të rastit, ndërkohë që dy persona të dyshuar janë arrestuar./Arbresh.info/